Urdu Sad Ghazal Shayari For Barish

Yaad Ki Barish

                    Is mousam ki barish

                    Kuch bhi nahi, lekin

                    Teri yaad ki barish

                    Har pal_ _ _

                    Mujhe bhigoti rehti he

                    Zaid meri aankho se

                    Musalsal Barish hoti tehti he

Tweet

Urdu Rain Geet Comes Crying Like The Read

In Bhegi Bhegi Aankho Se

                    In bhegi bhegi aankho hum dhere dhere bolain ge

                    Sub bhole bhale razoun ko hum chupke chupke kholain ge

                    Phir tip tip aanso tapkain ge aur rim jhim barish barse gi

                    Is dil ki khani kehne ko har dharkan dharkan tarse gi

                    Phir gulshan gounje gi awaz meri faryaad mari

                    Kantoun main chupe ga gham tera,pholoun main mehakti yaad teri

                    Phir panchi bin bin jaain ge aur mere geet sunain ge

                    Jo bhool gaya he wada to,zaid phir tujh ko yaad dilain ge

Tweet

Urdu Qitah قطعہ With Special Design Photo

Aeh-E-Dil Bhi Ajeeb Hote Hain

Aap apne raqeeb hote hain

Aeh-e-dil bhi ajeeb hote hain

Rahatoun se garez gham se farar

Zaid baaz lamhe ajeeb hote hain

Kia Khabar Thi

Jin ke hounto pe hansi pao main chale honge

Han wohi log tere chahne wale honge

Hum bare naaz se aae the teri mehfil main

Kia khabar thi zaid ab izhar pe tale honge

kuch Imkan Abhi Baqi He

Shayad us ne hansi hansi main tark-e-wafa ka zikar kia ho

Younhi ek khush fehmi he , itminan abhi baqi he

Diae munder pe rakh aate hain hum har sham na jane kyun

Shayad zaid ke lout aane ka kuch imkan abhi baqi he

Jie Jarahi houn

Gham se nibha karke jie jarahi houn

Khud ko tabah karke jie jarahi houn

Rah-e-wafa main apni luta kar mata-e-zisat

Bus aah aah karke jie jarahi houn

Bethe Ge Sukh Ki Chahoun Main

Bethe ge sukh ki chahoun main

Jahan sache rishte yaroun ke

Jahan ghounghat zewar taryoun ke

Zaid jahan jharne komal sukh wale

Tweet

Urdu Nazam | Kabhi Ye Socha He _ _ _

                    Kia tumne 

                    Kabhi ye socha he_ _ _

                    Tabeer jinhain mil jati he

                    Wo khuwab fanaa hojate hain

                    Aur milti nahi tabeer jinhain_zaid

                    Wo khuwab amar ho jate hain

Tweet

Best Urdu Poetry Ghazal About Mother's Love

Mat Gustakhi Karna Us 'Maa' Se

                    Zara si chot lage to aanso bha deti he

                    Sukoon bhari god main hum ko sula deti he

                    Hum karte hain khata to chutki main bhola deti he

                    Hote hain khafa to dunya ko bhola deti he

                    Mat gustakhi karna us 'Maa' se_zaid

                    Jo apne bacho ki chah main apna aap bhula deti he

Tweet

Urdu Short Shayari With Beautiful Images

Jo tarap tujhe kisi aaine main na mil sake_zaid

To phir aaine ke jawab main mujhe dekhna

Kese kahain ke us ko bhi humse koi lagao he_zaid

Us ne to hum se aaj tak koi gila nahi kia

Tum ho magmom tumhari to nahi hosakti_zaid

Kis ke chere ki ye muskan autha lae ho

Beth jati houn jahan chahoun ghani hoti he

Zaid_hae kia chez ghareeb alwatni hoti he

Wo bichar gaya he mujhse kisi aesi rah guzar pe_zaid

Jo dhondna bhi chahoun to nishan nahi mile ga

Tweet

Urdu Sad Nazam Shayari For Loosing Time

Hath Milne Ka Waqt Aapouncha

                    Mosmoun ne khabar suna di he

                    Phool khilne ki rut tamam hoi

                    Zird soraj ka chera kehta he

                    Din dhalne ka waqt aapouncha

                    Mere hatho se pisla hath us ka

                    Aur bicharne ka waqt aapouncha

                    Meri aankho ne parh lia he naseeb

                    Bakht dhalne ka waqt aapouncha

                    Apna rishta tha mosam ka rishta

                    So pighalne ka waqt aapouncha

                    Apne sub fesloun pe jaan-e-hayat

                    Zaid_hath milne ka waqt aapouncha

Tweet

Best Urdu Saddest Ghazal About Life

Meri Zindagi Ka Dusra Naam Ho Tum

                    Mere intezar ki rahat ho tum

                    Mere dil ki chahat ho tum

                    Tum ho to ye dunya he

                    Main kese batao

                    Ke mere lie kia ho tum

                    Cho kar jo guzar jae

                    Wo hawa ho tum

                    Mene jo mangi wo dau ho tum

                    Pholoun main jhalakta jam ho tum

                    Zaid_meri zindagi ka dusra naam ho tum

Tweet

The Best Of Urdu Sad Poetry Shayari

Wo Meri Maa Ka Chera He

Jise main husun kehta houn wo meri maa ka chera he

Jise main ishq kehta houn wo meri maa ki aankhain hain

Jis ka har lafz mujhe lagta he quran jesa _ zaid

Jise main roz sunta houn wo meri maa ki batain hain

Khwahish Ke Haseen Har

Khuwahish ke haseen har par rote nahi dekha

khuwaboun ke manazir ko bhi khote nahi dekha

Beh jate hain ashko ke samandar main do jahan

Tum ne kabhi zaid ko rote nahi dekha

To Bat Ajab Hogi

Bijli ki garj sun kar youn hi mere sene se

Ghabra ke lipat jae to bat ajab hogi

Dulhan mere khuwaboun ki khud apni hi banhoun main

Zaid_sharma ke simat jae to bat ajab hogi

Tweet

Urdu Nazam Shayari | Do Aankho Se

                  Hum ne un ko 

                  Itna dekha

                  Do aankho se

                  Jitna dekha ja sakta he

                  Lekin phir bhi, do aankho se

                  Zaid_kitna dekha jasakta he??

Tweet